الموضوع عمره ما كان خطة مرسومة من البداية.

الطب بيعلمك طريقة تفكير منظمة: بتشوف الأعراض، بتدور على السبب الحقيقي، وبتحاول تحط حل يعالج المشكلة من جذرها.

لكن وأنا جوه المستشفى، كنت بشوف إن جودة الخدمة ورضا المريض والأطباء مش بس واقفين على الشاطر والمش شاطر، لكن وافقين أكتر على النظام اللي بيتحركوا جواه.

في 2018، بدأت EMLE Notes من مشكلة بسيطة: الطالب بياخد مجهود كبير عشان يفهم ويبسط المعلومة الطبية. ليه ما نعملش محتوى وكتب ورسومات تخلي المذاكرة أسهل وأوضح؟

الموضوع كبر من كتب وملازم، لفيديوهات، وبنوك أسئلة، وتطبيق رقمي كامل بيخدم آلاف الطلاب وبيعكس تجربة حقيقية في تكنولوجيا التعليم.

ومع كلية الطب بجامعة الزقازيق، عملنا نظام الحضور الإلكتروني اللي عالج 374,000 عملية حضور لـ 8,000+ طالب في ترم واحد.

بعد ما قضيت وقت في فهم الإدارة والأنظمة، اتعلمت إن التغيير الحقيقي بيبدأ من الإنسان نفسه. التدريب في الطب النفسي بمستشفيات جامعة الزقازيق فتح قدامي أسئلة جديدة عن السلوك البشري والعلاج النفسي.

ومن هنا خرجت مبادرة 12 مدرسة علاجية (250+ طبيب وأخصائي) ومنظومة جوهر (Jawhar) لدعم وتوثيق الرحلة العلاجية.